“Giyohvandlik – asr vabosi, undan yoshlarimizni asraylik”

07.12.2017, 22:39 Yangiliklar 4023 Bosma versiyasi

Tadbirni fakultet dekani S.A. Xashimova – kirish so‘zi bilan ochib, kun tartibidagi mavzu bilan tadbir ishtirokchilarini tanishtirdi. “Asr vabosi” bo‘lgan giyohvandlik insonning nafaqat hayotini balki, uning atrofida bo‘lganlar hayotida ham chuqur jarohat qoldirishi, eng xavflisi jamiyat, millat ravnaqiga jiddiy putur yetkazib, barchani tashvishga solayotgan muammo ekanligini ta’kidladilar.

Yana bir salbiy jihati borki, bu baloga ertamiz egalari bo‘lmish yoshlarning ular o‘rtasida “asr – vabosi” hisoblangan giyohvandlik va og‘ufurushlikka berilishlar­ning oldini olish hamda farzandlarimiz qalbini turli mafkuraviy tahdidlardan himoya qilish ekanligini ta’kidlab, Toshkent davlat sharqshunoslik institutida ham bu borada ko‘pgina amaliy tadbirlar o‘tkazib kelinayotganligi haqida to‘xtalib o‘tdi. Shundan so‘ng so‘z navbati Toshkent shahar Narkalogiya markazi o‘smirlar nakologi, mutaxssis Mohira Mo‘minovaga berildi.

Giyohvandlikka qarshi faqat o‘qituvchi, yoki narkolog, milisiya xodimi yoki bojxona nazoratchisi emas, barchamiz hamjihat bo‘lib kurashishimiz kerakligini, hozirgi paytda giyohvandlik og‘ir va qiyin davolanadigan kasallik hisoblanishini, chunki giyohvandning tanasidagi barcha a’zolar va tizimlar shikastlanib, ularni davolash uchun uzoq muddat zarur bo‘lishi haqida gapirdi. Davolanishning murakkabligi shundaki, tibbiy yo‘l bilan jismoniy bog‘liqni yo‘qotish mumkin, ruhiy bog‘likni esa tibbiy yo‘l bilan bartaraf etish mushkulligini shu o‘rinda alohida ta’kidlashimiz kerak. U o‘z so‘zida avvalo har bir insonda daxldorlik hissi bo‘lishini hamda atrofda ro‘y berayotgan voqea-hodisalarga bee’tibor bo‘lmaslik va bilib-bilmay o‘z umrini xazon qilmaslik zarurligini ta’kidlab, talabalarni ogohlikka da’vat etish barobarida, bugungi kunda ijtimoiy hayotimizda, ayniqsa, yoshlar orasida uchrayotgan holatlar to‘g‘risida batafsil ma’lumotlar berdi. Shuningdek, psixotrop moddalarning sintetik turlari jumladan spays, sanod hamda shu kabi tibbiyotda og‘riq qoldiruvchi, maxsus reseptlar bilan sotiladigan dorilar turlari, zaxarfurushlik (toskamaniya) haqida ham talaba-yoshlarga batafsil ma’lumotlar berib o‘tdilar. Bundan tashqari talaba-yoshlarga giyohvandlik va uning oqibatida paydo bo‘ladigan yuqumli kasalliklar va ularning turlari, giyohvand ota yoki onadan tug‘ilgan farzandlar sog‘lig‘i va taqdiri haqida aniq misollar asosida gapirib o‘tdilar.

Tadbir davomida “Oq ajal” nomli film namoyish etildi.

Tadbir so‘ngida talabalar tomonidan berilgan savollarga mutaxassis javob berdilar.