Zangiota tumani 3-umumiy o’rta ta’lim maktabida davra suhbati o’tkazildi

07.12.2018, 10:36 Yangiliklar 2322 Bosma versiyasi

2018-yilning 6-dekabr kuni Toshkent davlat sharqshunoslik instituti Jahon siyosati va xalqaro munosabatlar kafedrasi doktoranti O.Alimov, Tarjimashunoslik doktoranti H.Zikrullaeva, Xorijiy sharq mamlakatlari adabiyoti kafedrasi doktoranti D.Xudjanova Toshkent viloyati Zangiota tumanidagi 3-umumiy o’rta ta’lim maktabiga tashrif buyurdilar. Tashrif davomida 5-10-sinf o’quvchilari ishtirokida “Men shu aziz vatan farzandiman” mavzusida davra suhbati bo’lib o’tdi. Doktorantlar Toshkent davlat sharqshunoslik institutida ta’lim olish jarayonida nafaqat sharq tillarini, balki xorijiy sharq mamlakatlarining adabiyoti, madaniyati, falsafasi,  tarixi, iqtisodiyoti, siyosatini o’rganish mumkinligi haqida ma’lumotlar berdilar, hamda ilmiy tadqiqot olib borish va mamlakatimizda ilm-fan rivoji to’g’risida ham to’xtalib o’tdilar. Davra suhbati so’nggida doktorantlar o’quvchilarni qiziqtirgan savollarga javob berdilar.