Xotin-qizlar qo‘mitasi

	Zaynutdinova Shirin Irgashevna
	Lavozimi:	Xotin qizlar qo’mitasi raisi
	Qabul vaqtlari:	Har kuni (11:00-13:00)
	Tel.:	+99890 315 75 36
	E-mail:	zaynutdinova@list.ru

Toshkent davlat sharqshunoslik universiteti Xotin qizlar  qo‘mitasining boshlang‘ich tashkiloti Xotin-qizlar qo‘mitasi faoliyatining xuquqiy asoslari:

Toshkent davlat Sharqshunoslik universiteti Xotin qizlar qo‘mitasi o‘z faoliyatini quyidagilarga asosan olib boradi:

1. O‘zbekiston Respublikasi Konstitutsiyasi.
2. O‘zbekiston Respublikasining “Oila” kodeksi.
3. O‘zbekiston Respublikasining “O‘zbekiston Respublikasida jamoat birlashmalari to‘g‘risida”gi Qonuni.
4. O‘zbekiston Xotin-qizlar qo‘mitasining Ustavi.
5. O‘zbekiston Xotin-qizlar qo‘mitasining boshlang‘ich tashkiloti to‘g‘risidagi Nizom.
6. O‘zbekiston Respublikasining boshqa qonunlari.
7. TDShU rektori buyruq va farmoyishlari.

Toshkent davlat sharqshunoslik universiteti Xotin qizlar qo‘mitasining boshlang‘ich tashkilotining maqsad va vazifalari:

Boshlang‘ich tashkilotning asosiy maqsadi – jamiyatda iqtisodiy-ijtimoiy islohatlarni hayotga tatbiq etish jarayonlarida, hamda,davlat va jamiyatning har tomonlama rivojlanishida Toshkent davlat sharqshunoslik universiteti xotin qizlarining faol ishtirokini ta’minlash, ularning huquqiy savodxonligini ta’minlash, qonuniy manfaatlarini himoya qilish, sog‘lom turmush tarzini keng targ‘ib qilish, xotin-qizlarni turli yot oqimlar ta’siridan himoya qilish, hamda, ma’naviy kamolotini yuksaltirishdan iboratdir.

Boshlang‘ich tashkilot o‘z maqsadlarini amalga oshirishga erishish uchun jamoatchilik nazoratini va quyidagi vazifalarni amalga oshiradi:

Xotin-qizlarning jamiyatda ijtimoiy-iqtisodiy, siyosiy faolligini, huquqiy bilimlarini oshirish va madaniyatini oshirish, qonuniy manfaatlarini himoya qilish, ularning muammolarini o‘rganish va bartaraf etishga ko‘maklashish;

Xotin-qizlar o‘rtasida sog‘lom turmush shaklini shakllantirish hamda mutaxassislarni taklif qilgan holda seminar treninglar o‘tkazish;

Turmush tarziga yot bo‘lgan huquqbuzarlik, jinoyatchilik, giyohvandlik, ichkilikbozlik, fohishabozlik, o‘z joniga qasd qilish kabi holatlarni oldini olish, kiyininsh madaniyati, odob-ahloq qoidalariga amal qilish bo‘yicha zarur choralar ko‘rish;

Xotin-qizlar ijodiy faoliyatlarini qo‘llab- quvvatlash hamda turli xil madaniy-ma’rifiy tadbirlar, ijodiy uchrashuvlar, tanlovlar tashkil etish, iqtidorli, o‘z kasbining haqiqiy egasi bo‘lgan xotin-qizlarni turli davlat mukofotlariga tavsiya etib borish;

Yosh qizlarni oilaviy hayotga tayyorlash, yosh oilalarni ijtimoiy faollikka yo‘naltirish, ibrat namunasiga ega bo‘lgan oilalar turmush tarzini keng targ‘ib qilish;

Kam ta’minlagan, ijtimoiy himoyaga muhtoj, imkoniyati cheklangan, nogiron xotin-qizlar va yolg‘iz ayollarga har tomonlama ko‘maklashish.

23.06.2020, 19:10 6235 Bosma versiyasi