Shoir Omon Matchon bilan uchrashuv

16.03.2017, 16:39 Yangiliklar 4369 Bosma versiyasi

2017-yil 14-mart kuni Toshkent davlat sharqshunoslik institutida O‘zbekiston xalq shoiri Omon Matchon bilan uchrashuv bo‘lib o‘tdi. Uchrashuvda institut rahbariyati hamda talaba-yoshlar ishtirok etishdi. Omon Matchon talaba-yoshlar bilan dildan suhbatlashib, ularga o‘zining bosib o‘tgan ijod yo‘li, asarlarida ko‘tarilgan mavzular xususida to‘xtalib o‘tdi. Zamonaviy adabiyot, zamonaviy kitobxon mavzulari doirasida qizg`in baxs yuritdi. Shu o‘rinda kitob o‘qishning afzalliklari borasida so‘z yuritdi. Kitob mutolaa qilgan odam dunyoga teran nigoh bilan boqishini, muammoli vaziyatlarda to‘g`ri fikr-mulohaza yuritishini, oqni qoradan ajrata olishini, doimo yaxshilikka oshno bo‘lishini aytib o‘tdi. Uchrashuv chog`ida talabalar shoir she’rlaridan yod o‘qidilar. Talabalar o‘zlarini qiziqtirgan savollari bilan murojaat qilib, shoirning atroflicha javoblarini olishdi. Qimmatli vaqtini ayamay talaba-yoshlar bilan o‘tkazilgan uchrashuvga tashrif buyurgan shoir Omon Matchonga institut rahbariyati va talabalari o‘z minnatdorchiliklarini bildirdi. Uchrashuv barchada iliq taassurot qoldirdi.

Sh.Jo‘rayev