“Jahon siyosati va xalqaro munosabatlar” kafedrasida “Yosh analitiklar” klubi tashkil etildi

18.09.2017, 22:10 Yangiliklar 3682 Bosma versiyasi

Toshkent davlat sharqshunoslik instituti rektori professor A.M.Mannonovning tashabbusi bilan Jahon siyosati tarix va falsafa fakulteti “Jahon siyosati va xalqaro munosabatlar” kafedrasi tomonidan iqtidorli talabalar uchun “Yosh analitiklar” klubi tashkil etildi.
Ushbu klub 2017 — 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasining beshinchi, Xavfsizlik, millatlararo totuvlik va diniy bag‘rikenglikni ta’minlash hamda chuqur o‘ylangan, o‘zaro manfaatli va amaliy tashqi siyosat sohasidagi ustuvor yo‘nalishlaridan kelib chiqqan holda faoliyat olib boradi va unga siyosiy fanlar doktori, professor S.A.Jo‘raev rahbarlik qiladi.
2017-yilning 17-sentyabr kuni klubning birinchi yig‘ilishi bo‘lib o‘tdi va kelgusidagi rejalar kelishib olindi.